“Roma”dan “Yuventus”a – rəsmi

“Roma”nın müdafiəçisiLuka Pelleqrini karyerasını “Yuventus”da davam etdirəcək. Qol.az-ın klubun rəsmi saytına istinadən yaydığı xəbərə görə, 20 yaşlı futbolçu tibbi müayinədən keçmək üçün bu gün səhər saatlarında Turin təmsilçisinin bazasına yollanıb. Onunla yaxın saatlarda rəsmi müqavilə imzalanacaq. Əvəzində isə “Yuventus”un yarımmüdafiəçisi Leonardo Spinatsola “Roma”ya keçib. “Canavarlar” bu dəyişikliyə görə qarşı tərəfə Pelleqrini ilə yanaşı, əlavə 10 milyon avro ödəyəcək.

“Barselona” “Milan”ın futbolçusunu istəyir

“Milan”ın müdafiəçisi Rikardo Rodriqes La Liqada oynaya bilər. Qol.az-ın “sport.es” nəşrinə istinadən yaydığı xəbərə görə, isveçrəli futbolçu “Barselona”nın maraq dairəsinə düşüb. Sol cinahda Jordi Alba ilə rəqabət yarada biləcək futbolçu axtaran Kataloniya klubu 26 yaşlı oyunçunu transfer etmək niyyətindədir. Artıq ispan klubunun nümayəndələri “Milan” rəhbərliyi ilə əlaqə saxlayıb. Ancaq hələlik rəsmi təklif göndərilməyib. Qeyd edək ki, Rodriqeslə “Arsenal” da yaxından maraqlanır.

“Yuventus” sabah de Liqtlə müqavilə bağlayacaq – İddia

“Ayaks”ın kapitanı Matteys de Liqt sabah “Yuventus”la müqavilə bağlaya bilər. Qol.az xəbər verir ki, bu barədə İtaliyanın “Tuttosport” nəşri məlumat yayıb. İddiaya görə, Turin təmsilçisi həm 19 yaşlı müdafiəçi, həm də onun klubu ilə anlaşıb. Transferin yeni həftənin ilk günündə açıqlanacağı gözlənilir. Qeyd edək ki, “Yuventus”un de Liqt üçün “Ayaks”a 67 milyon avro təzminat ödəyəcəyi deyilir. Gənc futbolçu “qoca sinyora” ilə 5 illik müqavilə imzalayacaq. Onun illik gəliri isə 12 milyon avro olacaq.

PSJ Neymarla bağlı qərarını dəyişdi

PSJ-nin prezidenti Nasser Əl-Xəlafi Neymarla bağlı fikrini dəyişib. Qol.az-ın “Telefoot” nəşrinə istinadən yaydığı xəbərə görə, qətərli iş adamı braziliyalı futbolçunun satılması ilə bağlı heç bir klubla danışıq aparmayacaqlarını bildirib. O, 27 yaşlı forvardın komandada qalmasını istəyir. Qeyd edək ki, bir müddət öncə PSJ-nin Neymarı satmağa hazır olduğu və onun yenidən “Barselona”ya qayıdacağı ilə bağlı xəbərlər yayılmışdı.

Balayev uğurlu seriyanı davam etdirdi

Balayev uğurlu seriyanı davam etdirdi

Qazaxıstan Premyer Liqasında 16-cı tura start verilib. Qol.az xəbər verir ki, milli komandamızın qapıçısı Emil Balayevin çıxış etdiyi “Tobol” bu tur səfərdə “Jetısu” ilə qarşılaşıb. Görüş qonaq komandanın minimalhesablı qələbəsi ilə başa çatıb – 1:0. Start heyətdə meydana çıxan Emil növbəti dəfə  qapısını toxunulmaz saxlaya bilib. Beləliklə, E.Balayev çempionatda 630 dəqiqədir ki, qol buraxmır. O, bu göstəricidə bu mövsüm özünəməxsus rekordu yaxşılaşdırıb. Qeyd edək ki,  “Tobol” bu qələbə ilə 38 xalla vahid lider olub. Ancaq bu tur “Astana”a qalib gəlsə, E.Balayevin komandasına çatacaq.

Gerye qol vurdu, komandasından möhtəşəm geridönüş

Gerye qol vurdu, komandasından möhtəşəm geridönüş

“Qarabağ”ın futbolçusu Donald Geryenin çıxış etdiyi  Haiti millisi KONKAKAF “Gold cup 2019″un 1/4 final mərhələsində Kanada ilə qarşılaşıb. start İdmanxeber.az-ın məlumatına görə, ilk hissəni 0:2 məğlub qapayan haitililər, ikinci yarıda əzmkarlıq göstərərək qələbə qazanıb – 3:2. Komandanı yarımfinala çıxaran qələbə qolunu 76-cı dəqiqədə məhz Gerye vurub. Qeyd edək ki, start heyətdə meydana çıxan Gerye 83-cü dəqiqədə əvəzlənib. İdmanxeber.az

“Neftçi” öndə olduğu matçda uduzdu

Türkiyədə təlim-məşq toplanışında olan “Neftçi” bu gün sonuncu yoxlama oyununu keçirib. İdmanxeber.az-ın məlumatına görə, “ağ-qaralar” Ukraynanın “Vorskla” klubu ilə qarşılaşıb. “Fenerbahçe Topuk Yaylası Resort and Sport” otelinin meydançasında baş turan qarşılaşma ukraynalıların qələbəsi ilə yekunlaşıb – 2:3. Qeyd edək ki, ilk sınaq matçında “SKA-Xabarovsk”a (Rusiya) 3:1 hesabı ilə qalib gələn “Neftçi”nin Rumıniyanın “Politexnika İaşi” klubu ilə oyunu güclü duman səbəbindən yarımçıq qalmışdı. Paytaxt təmsilçisi iyulun 1-də Türkiyə toplanışını başa vuraraq vətənə qayıdacaq. Yoxlama oyunu 30 iyun 15:00. “Neftçi” – “Vorskla” – 2:3 Qollar: Rebenok, 8 (0:1), Vangelis Platellas, 29 (1:1) Dario Frederiko, 33 (2:1),…

“Düzgün verilməyən penaltidən uduzduq” – “Neftçi”nin yeni futbolçusu

“Neftçi”nin müdafiəçisi Voislav Stankoviç “Vorskla” ilə yoxlama oyunundan (2:3) sonra klubun saytına açıqlama verib. İdmanxeber.az-ın məlumatına görə, penalti epizodunda qaydanın cərimə meydançasından kənarda pozulduğunu bildirən təcrübəli futbolçu müdafiə xəttindəki bəzi nüansların üzərində işləməyin vacib olduğunu deyib: “Yaxşı oynadıq. Düzgün verilməyən penaltidən uduzduq. Ona görə ki, qayda cərimə meydançasından kənarda pozulmuşdu. Amma bu futboldur, belə məqamlar olur. Müdafiə xəttində bəzi nüanslar var ki, üzərində işləməliyik. Çünki 2-3 əks hücumun qarşısını kəsə bilmədik. Artıq Avroliqadakı ilk oyunumuza köklənməliyik”.

Əfsanəvi futbolçunun oğlu PSJ-ni “Lill”ə dəyişdi

Əfsanəvi futbolçunun oğlu PSJ-ni “Lill”ə dəyişdi

Fransanın “Lill” klubu heyətini yeni futbolçu ilə gücləndirib. Rekord.az xəbər verir ki, Liqa 1 təmsilçisi son ölkə çempionu PSJ-də çıxış edən Timoti Veanı transfer edib. Bu barədə klubun rəsmi saytı məlumat yayıb. Əfsanəvi futboçu, 1995-ci ildə “qızıl top”u qazanan, hazırda Liberiyanın prezidenti olan Corc Veanın oğlu ilə 5 illik müqavilə imzalanıb. 19 yaşlı hücumçunun transferi “Lill”ə 10 milyon avroya başa gəlib. PSJ-nin yetirməsi olan Vea, ötən mövsümün ikinci yarısını icarə əsasında Şotlandiya “Seltik”ində keçirib. O, atasından fərqli olaraq, Liberiyanın yox, ABŞ millisinin şərəfini qoruyur.

“Qəbələ”yə yeni hücumçu gəlir, özü də legioner

“Qəbələ”yə yeni hücumçu gəlir, özü də legioner

“Qəbələ”nin legioner siyasətini davam etdirəcəyini yazmışdıq. Bunun da səbəbi təbii ki, avrokuboklarda iştirakdır.   Rekord.az xəbər verir ki, düşərgəyə ispaniyalə və gürcü legionerlər gəlsə də bununla iş yekunlaşmır.   Belə ki, yaxın zamanlarda daha bir legioner hücumçunun “Qəbələ”yə qoşulacağı gözlənilir. Həmin futbolçu Avropadan gələcək və birbaşa müqaviləyə imza atacaq.